لجنة أطباء السودان المركزية
بكرة شنو؟
#مليونية6ديسمبر
خت كمامتك في الجزلان
لانو كرورنا عامل غمران..وكمامتك هي الضمان
➖➖➖➖➖➖➖➖➖➖➖
أصلي لو أخوك انضرب جازفو من مكان الكتمة واتخارجوو
➖➖➖➖➖➖➖➖➖➖➖
لو براك خت اخوك في ظهرك
وقام بالضلام كبراااا
➖➖➖➖➖➖➖➖➖➖➖
حبيبنا الكنترول في الراس، إذا فيهو ضربة خليهو مرفوع شان م ينزف.
ولو سليم اوزنو مع الشاسي ( الجسم).
➖➖➖➖➖➖➖➖➖➖➖
شفاتي جس اخوك شوفو لو قال ليك تسقط بس وصلو للمسعف.
ولو كاتم جس القدوم احتمال مكتوم
➖➖➖➖➖➖➖➖➖➖➖
الثورجي اذا بلع لسانو دنكسو بالجنبة وجر الكبوت ( جرو من حنكو)
➖➖➖➖➖➖➖➖➖➖➖
اذا اخوك بينزف استكين اقلع قميصك او قميصو وارقع الجرح وذيد الرقعة بقميص اخوك.
➖➖➖➖➖➖➖➖➖➖➖
اوعى تدلدل اخوك لو مضروب
اشبك يدينك ي ثورجي واعمل سرير متحرك
➖➖➖➖➖➖➖➖➖➖➖
شفاتي ثبت اخوك شان تقلل دفاق الزيت ( الدم).
➖➖➖➖➖➖➖➖➖➖➖
اصلي الرقبة دي مسمار النص،، خليها مسطرة مع باقي الجسم.
➖➖➖➖➖➖➖➖➖➖➖
ي مان خليك مفتح م تشيل رقعة القماش من الجرح بينزف.
ارقع وحدة فوق ليها
➖➖➖➖➖➖➖➖➖➖➖
كسير التلج مفيد، اكسر للجرح تلجة وشوف لو نزف تاني،، كلو بيستجيب.
➖➖➖➖➖➖➖➖➖➖
ولدنا رقعة الرقبة بتختلف أضغط براحة عشان م تسد البلف، بتخنق اخوك
➖➖➖➖➖➖➖➖➖➖➖
خلي صيد البمبان للخبراء
مرات السمك بيعضي
