موجهات صحية في شكل رسائل نصية نرجو من الجميع المساهمة في إرسالها إلى أكبر قدر من الثوار
لجنة أطباء السودان المركزية
اصلي لو اخوك اضرب جازفو من مكان الكتمة واتخارجوو
➖➖➖➖➖➖➖➖➖➖➖
لجنة أطباء السودان المركزية
لو براك خت اخوك في ظهرك
وقام بالضلام كبراااا
➖➖➖➖➖➖➖➖➖➖➖
لجنة أطباء السودان المركزية
حبيبنا الكنترول في الراس، إذا فيهو ضربة خليهو مرفوع شان م ينزف.
ولو سليم اوزنو مع الشاسي ( الجسم).
➖➖➖➖➖➖➖➖➖➖➖
لجنة أطباء السودان المركزية
شفاتي جس اخوك شوفو لو قال ليك تسقط بس وصلو للمسعف.
ولو كاتم جس القدوم احتمال مكتوم
➖➖➖➖➖➖➖➖➖➖➖
لجنة أطباء السودان المركزية
الثورجي اذا بلع لسانو دنكسو بالجنبة وجر الكبوت ( جرو من حنكو)
➖➖➖➖➖➖➖➖➖➖➖
لجنة أطباء السودان المركزية
اذا اخوك بينزف استكين اقلع قميصك او قميصو وارقع الجرح وذيد الرقعة بقميص اخوك.
➖➖➖➖➖➖➖➖➖➖➖
لجنة أطباء السودان المركزية
اوعى تدلدل اخوك لو مضروب
اشبك يدينك ي ثورجي واعمل سرير متحرك.
➖➖➖➖➖➖➖➖➖➖➖
لجنة أطباء السودان المركزية
لا بمبان لا كرونا
كمامتك هي المضمونة
➖➖➖➖➖➖➖➖➖➖➖
لجنة أطباء السودان المركزية
لا عسكوري لا برهان
كمامتك هي الضمان
➖➖➖➖➖➖➖➖➖➖➖
لجنة أطباء السودان المركزية
شفاتي ثبت اخوك شان تقلل دفاق الزيت ( الدم).
➖➖➖➖➖➖➖➖➖➖➖
لجنة أطباء السودان المركزية
اصلي الرقبة دي مسمار النص،، خليها مسطرة مع باقي الجسم.
➖➖➖➖➖➖➖➖➖➖➖
لجنة أطباء السودان المركزية
ي مان خليك مفتح م تشيل رقعة القماش من الجرح بينزف.
ارقع وحدة فوق ليها
➖➖➖➖➖➖➖➖➖➖➖
لجنة أطباء السودان المركزية
كسير التلج مفيد، اكسر للجرح تلجة وشوف لو نزف تاني،، كلو بيستجيب.
➖➖➖➖➖➖➖➖➖➖➖
لجنة أطباء السودان المركزية
ولدنا رقعة الرقبة بتختلف براحة اضغط عشان م تسد البلف، بتخنق اخوك
➖➖➖➖➖➖➖➖➖➖➖
لجنة أطباء السودان المركزية
خلي صيد البمبان للخبراء
مرات السمك بيعضي
إعلام اللجنة
قبل الكتمة بـ ١٧ ساعة
بكرة شنو
في زول ما عارف
